கடற்கரையில் ஆபாச வீடியோ படமெடுத்துக் கொண்டிருந்த பிரபல நடிகை பூனம் பாண்டேவை, கோவா போலீசார் இன்று கைது செய்தனர்.
பிரபல பாலிவுட் கவர்ச்சி நடிகை பூனம் பாண்டே, இந்தி, தெலுங்கு உள்ளிட்ட சில மொழி திரைப்படங்களில் நடித்துள்ளார். சினிமா இயக்குனரும், தயாரிப்பாளருமான சாம் பாம்வே என்பவரை, மூன்று ஆண்டுகளாக காதலித்து பூனம் பாண்டே மணந்து கொண்டார்.
நடிகை பூனம் பாண்டே கோவாவில் உள்ள, தடை செய்யப்பட்ட சபோலி நீர்தேக்கம் அருகில் நின்று ஆடைகளை ஒவ்வொன்றாக களைந்து, நிர்வாணமாக போஸ் கொடுத்து வீடியோ எடுத்துக் கொண்டிருந்தார்.
அரசுக்கு சொந்தமான இடத்தில் ஆபாச படம் எடுத்த பூனம் பாண்டே மீது நடவடிக்கை எடுக்க வேண்டும் என்று கோரிக்கைகள் எழுந்தன. மேலும், அவருக்கு அனுமதி அளித்த அதிகாரிகள் மீதும் நடவடிக்கை எடுக்க வேண்டும் என்று வலியுறுத்தப்பட்டது.
இதை தொடர்ந்து அரசு இடத்தில் ஆபாச வீடியோவை படமாக்க நடிகையை அனுமதித்ததாக ஒரு இன்ஸ்பெக்டர் உட்பட இரண்டு போலீஸ்காரர்கள் சஸ்பெண்ட் செய்யப்பட்டனர்.
இந்த நிலையில் மகளிர் அமைப்புகள், அரசியல் கட்சிகளின் நெருக்கடியை தொடர்ந்து, கோவா கடற்கரையில் ஆபாசமான வீடியோ எடுத்ததற்காக சர்ச்சைக்குரிய கவர்ச்சி நடிகை பூனம் பாண்டே, வடக்கு கோவாவில் இன்று கைது செய்யப்பட்டார். அவரிடம் தொடர்ந்து விசாரணை நடைபெற்று வருகிறது.
