திரை பிரபலங்கள் உள்ளிட்ட பலரையும் கொரோனா பாதிப்பு விட்டு வைக்காத நிலையில், தெலுங்கு சூப்பர் ஸ்டார் நடிகர் சிரஞ்சீவுக்கும் கொரோனா தொற்று இருப்பது கண்டறியப்பட்டுள்ளது.
கடந்தாண்டு மார்ச் மாதத்தில் இந்தியாவில் கொரோனா தொற்று பரவத் தொடங்கியது. அதன் தாக்கத்திற்கு பல்வேறு பிரபலங்களும் தப்பவில்லை. பலர் கொரோனாவில் இருந்து மீண்டு வந்துள்ளனர்.
இந்த நிலையில், தெலுங்கு திரைப்பட சூப்பர் ஸ்டார் எனப்படும் நடிகர் சிரஞ்சீவி கொரோனா உறுதியாகியுள்ளது. 65 வயதாகும் சிரஞ்சீவி, ‘ஆச்சாரியா’ எனும் புதிய படத்தில் நடிக்கிறார். அந்த படப்பிடிப்பிற்கு மீண்டும் செல்லும் முன்பு, சிரஞ்சீவிக்கு கொரொனா பரிசோதனை மேற்கொள்ளப்பட்டது.
இதில், சிரஞ்சீவிக்கு கொரொனா உறுதியாகி இருப்பது தெரிய வந்தது. இத்தகவலை, நடிகர் சிரஞ்சீவிவே தனது டிவிட்டர் பதிவில் வெளிப்படுத்தியுள்ளார். பெரியளவில் அறிகுறி இல்லாததால், வீட்டிலேயே தன்னைத் தானே சுய தனிமைபடுத்திக் கொண்டிருக்கிறார்.
சிரஞ்சீவுக்கு கொரொனா தொற்று இருக்கும் தகவல் அறிந்ததும் அவரது ரசிகர்கள் அதிர்ச்சியும், கவலையையும் அடைந்துள்ளனர். அவர் விரைவில் மீண்டு வர வேண்டும் என்று உருக்கமாக பதிவிட்டு வருகின்றனர்.
