விஜய் சேதுபதி நடித்த ‘க/பெ ரணசிங்கம்’ திரைப்படத்தின் வெற்றியால் திக்குமுக்காடிய அதன் தயாரிப்பாளர் கே.ஜே ராஜேஷ், அந்த படத்தின் இயக்குனர் விருமாண்டிக்கு, பரிசாக கார் வழங்கி அசத்தியுள்ளார்.
நடிகர் விஜய் சேதுபதி, ஐஸ்வர்யா ராஜேஷ் உள்ளிட்டோர் நடிப்பில், வெளியான திரைப்படம், க/பெ ரணசிங்கம். இந்த இத்திரைப்படத்தை பெ. விருமாண்டி இயக்கினார். கே.ஜெ.ஆர் நிறுவனம் சார்பில், ராஜேஷ் இந்த திரைப்படத்தைத் தயாரித்திருந்தார்.
கடந்த அக்டோபர் 2ஆம் தேதி நேரடியாக ஓடிடி தளத்தில், இந்த திரைப்படம் வெளியானது. வெளிநாட்டில் சென்று தமிழர்கள் படும் துயரையும், குடும்பத்தினர் எதிர்கொள்ளும் சிக்கல்களையும் இத்திரைப்படம் நேர்த்தியாக படம் பிடித்து காட்டியது.
இந்த படத்திற்கு மக்களிடையே நல்ல வரவேற்பு கிடைத்ததால் படக்குழுவினர் மகிழ்ச்சியடைந்தனர். இந்த நிலையில் படத்தின் தயாரிப்பாளரான கே.ஜே ராஜேஷ், இயக்குனர் விருமாண்டிக்கு மாருதி எக்ஸ்.எல். காரை பரிசாக வழங்கி அசத்தியுள்ளார்.
