15 தேக்கு மரங்கள் வெட்டி கடத்தல்

தஞ்சை அருகே 15 தேக்கு மரங்களை மர்ம நபர்கள் வெட்டி கடத்தியதால் அப்பகுதியில் பரபரப்பு ஏற்பட்டது.  கும்பகோணம் அருகே பழவத்தாங்கட்டளை ஊராட்சிக்கு சொந்தமான சாய்ராம் பூங்காவில் 39 தேக்கு மரங்கள் வளர்க்கப்பட்டு வந்தது. இந்நிலையில் கடந்த சில நாட்களுக்கு முன்பு பூங்காவில் இருந்த 15 தேக்கு மரங்களை மர்ம நபர்கள் வெட்டி கடத்தி உள்ளனர் . பல லட்சம் ரூபாய் மதிப்புள்ள தேக்குமரங்கள் கடத்தப்பட்ட சம்பவம் தொடர்பாக அப்பகுதி மக்கள் காவல்துறையில் புகார் அளித்தனர். சம்பவ இடத்திற்கு வந்த போலீசார் இதுகுறித்து விசாரணை மேற்கொண்டு வருகின்றனர்.