ஆப்கானிஸ்தானில் தலிபான்களின் ஆக்கிரமிப்பைத் தொடர்ந்து, அங்குள்ள மக்களும் வெளிநாட்டவர்களும் ஆப்கானிஸ்தானை விட்டு வெளியேறி வருகின்றனர். இதற்கிடையே இதுவரை ஆப்கானிஸ்தானில் இருந்து 250கும் மேற்பட்ட இந்தியர்கள் மீட்கப்பட்டுள்ளனர். குறிப்பாக இன்று 25 இந்தியர்கள் உட்பட மொத்தம் 78 பயணிகளுடன் ஏர் இந்தியா சிறப்பு விமானம் இன்று காலை டெல்லி வந்தது.
இந்நிலையில், ஆப்கானிஸ்தானில் இருந்து இந்தியர்களை மீட்கும் பணிக்கு ‘ஆபரேஷன் தேவி சக்தி’ என்று பெயரிடப்பட்டுள்ளது.
இது தொடர்பாக மத்திய வெளியுறவுத்துறை அமைச்சர் ஜெய்சங்கர் ட்விட்டரில் வெளியிட்டுள்ள செய்தியில்,
ஆபரேஷன் தேவி சக்தி தொடர்கிறது. காபூலில் இருந்து 78 பேர் தஜிகிஸ்தானின் துஷன்பே வழியாக இந்தியா வந்தடைந்தனர் . இந்திய விமானப்படை மற்றும் வெளியுறவுத்துறை அதிகாரிகளின் அயராத முயற்சிகளுக்கு வாழ்த்துக்கள். என அவர் பதிவிட்டுள்ளார்.
