திருச்சி மாவட்ட காவல்துறை கண்காணிப்பாளர் ஜெயச்சந்திரன் உத்தரவின் கீழ் தனிப்படை போலீசார் கடந்த சில நாட்களாக அதிக அளவு ரோந்து சென்று வருகின்றனர்.
இந்நிலையில் துறையூர், புலிவலம் , பகளவாடி ஆகிய பகுதிகளில் அரசின் அனுமதியின்றி திருட்டுத்தனமாக டாஸ்மாக் மதுபான பாட்டில்களைப் பதுக்கி அதிகளவு விற்பனை செய்யப்படுகிறது என்ற புகாரை தொடர்ந்து மதுபாட்டில்களை விற்ற ஓமாந்தூர் கிழக்கு தெருவைச் சேர்ந்த ஆனந்தகுமாரை பெரமங்கலம் பெட்ரோல் பங்க் அருகே தனிப்படை போலீசார் கைது செய்தனர்.
இவரிடமிருந்து ஒரு சாக்கு மூட்டையில் 180 பாட்டில்கள், ஒரு கீபேட் போன் , 1820 பணம், டூவீலர் உடன் கைது செய்து தனிப்படை போலீசார் புலிவலம் ஸ்டேஷனில் ஒப்படைத்தனர். மேலும், சரவணன், வடிவேல் உள்ளிட்ட 3 பேர்களைப் போலீசார் தேடி வருகிறார்கள். தனிப்படை போலீசாரின் அதிரடி தொடர் வேட்டையால் சட்டவிரோத செயல்களிடையேயும், இதுநாள்வரை மாமுல் பெற்று வந்த சிலரிடையேயும் கலக்கத்தையும் பீதியையும் ஏற்படுத்தியுள்ளது நிதர்சனம். தொடர்ந்து களத்தில் தீவிரமாக இறங்கி குற்றவாளிகளை அள்ளிவரும் தனிப்படை போலீசாரை மாவட்ட எஸ்பி., ஜெயச்சந்திரன் பாராட்டினார்..
