நடிகரும், மக்கள் நீதி மய்யத்தின் தலைவருமான கமல்ஹாசனுக்கு கடந்த 22ம் தேதி கொரோனா தொற்று இருப்பது உறுதி செய்யப்பட்டது. இதனால் மருத்துவமனையில் அனுமதிக்கப்பட்ட அவர் தனிமைப்படுத்தப்பட்டு சிகிச்சை அளிக்கப்பட்டு வந்தது.
இந்நிலையில், கமல்ஹாசன் அனுமதிக்கப்பட்டிருந்த தனியார் மருத்துவமனை நிர்வாகம் அவரது உடல்நிலை குறித்து இன்று அறிக்கை வெளியிட்டுள்ளது.
அதில், கமல்ஹாசன் கொரோனா பாதிப்பில் இருந்து குணமடைந்து விட்டதாக தெரிவிக்கப்பட்டுள்ளது. மேலும், கமல்ஹாசன் நாளை மறுநாள் வரை மருத்துவமனையில் இருப்பார் என்றும், டிசம்பர் 4-ம் தேதி முதல் தனது வழக்கமான பணிகளை மேற்கொள்வார் என்றும் தகவல் வெளியாகியுள்ளது.
