பிலிப்பைன்ஸின் தெற்கு பகுதியில் உள்ள மின்டனாவ் மாகாணத்தை சக்திவாய்ந்த புயல் தாக்கியுள்ளது. இதையடுத்து, அங்கு கனமழை பெய்ததால் பல்வேறு நகரங்கள் வெள்ளத்தில் மூழ்கின. புயல், மழை மற்றும் வெள்ளத்தில் சிக்கி இதுவரை 5 பேர் உயிரிழந்துள்ளனர்.
முன்னதாக, சூறாவளியின் காரணமாக வீடுகளின் மேற்கூரைகள் இடிந்து விழுந்து, கட்டிடங்கள் இடிந்து விழுந்தன. புயலின் தாக்கத்தில் இருந்து தப்பிக்க எடுக்கப்பட்ட முன்னெச்சரிக்கை நடவடிக்கையால் 3 லட்சத்துக்கும் மேற்பட்ட மக்கள் பாதிப்பிலிருந்து தப்பித்தனர்.
சூறாவளி காற்றினால் நாட்டின் பல்வேறு பகுதிகளில் மின் இணைப்புகள், தகவல் தொடர்புகள், சாலைகள் சேதமடைந்தன. பிலிப்பைன்ஸ் கடலோர காவல்படையினர் ரப்பர் படகுகள் மற்றும் கயிறுகள் மூலம் மக்களை பாதுகாப்பான இடங்களுக்கு வெளியேற்றி வருகின்றனர். உள்ளூர் அவசரகால பணியாளர்கள் சாலையில் கிடக்கும் மரங்களை அகற்றும் பணியில் ஈடுபட்டுள்ளனர்.
