பிரபல பாலிவுட் நடிகர் ஜான் ஆபிரகாம் மற்றும் அவரது மனைவி பிரியா ரன்சாலுக்கும் கொரோனா தொற்று இருப்பது உறுதி செய்யப்பட்டுள்ளது.
இதை அவர் தனது இன்ஸ்டாகிராம் பக்கத்தில் தெரிவித்துள்ளார். இது தொடர்பாக ஜான் ஆபிரகாம் கூறியதாவது:-
கடந்த 3 நாட்களாக கொரோனா தொற்று உள்ள ஒருவருடன் தொடர்பில் இருந்தேன். இதைத் தொடர்ந்து நானும் என் மனைவியும் கொரோனா பரிசோதனைக்கு செய்து கொண்டோம். எங்கள் இருவருக்கும் கொரோனா தொற்று இருப்பது உறுதியானது.
நாங்கள் இருவரும் வீட்டில் தனிமையில் இருக்கிறோம். எங்களுக்கு லேசான அறிகுறிகள் மட்டுமே உள்ளன. நானும் என் மனைவியும் தடுப்பூசி போட்டுள்ளோம். நாங்கள் இதுவரை யாரையும் தொடர்பு கொள்ளவில்லை. தயவுசெய்து அனைவரும் பாதுகாப்பாக இருங்கள். முகக்கவசம் அணியுங்கள்.
இவ்வாறு ஜான் ஆபிரகாம் கூறினார்.
