நாடு முழுவதும் கொரோனா மற்றும் ஒமைக்ரான் தொற்று வேகமாகப் பரவி வருகின்றன. தமிழகத்தில் இன்று மட்டும் ஒரே நாளில் 8000க்கும் மேற்பட்டோருக்கு கொரோனா தொற்று உறுதி செய்யப்பட்டுள்ளது. இந்நிலையில் திரையுலகின் முன்னணி நடிகர், நடிகைகளுக்கு கொரோனா தொற்று உறுதி செய்யப்பட்டுள்ளது.
இந்நிலையில், நடிகை திரிஷா தனது ட்விட்டர் பக்கத்தில் கொரோனா தொற்று உறுதியான தகவல் குறித்து தெரிவித்துள்ளார். அனைத்து முன்னெச்சரிக்கை மற்றும் பாதுகாப்பு நடவடிக்கைகளையும் பின்பற்றிய போதிலும், புத்தாண்டுக்கு முன்னதாகவே தனக்கு கொரோனா தொற்று இருப்பது உறுதி செய்யப்பட்டது என்றார். எனினும், தடுப்பூசி எடுத்துக்கொண்டதால் தனக்கு பெரிய பாதிப்பு எதுவும் ஏற்படவில்லை என்றார்.
அதேபோல், நடிகர் சத்யராஜ் கொரோனா தொற்றால் பாதிக்கப்பட்டுள்ளார். இதனை அடுத்து அவர் மருத்துவமனையில் அனுமதிக்கப்பட்டு சிகிச்சை பெற்று வருகிறார். மேலும் இயக்குனர் பிரியதர்ஷன், நடிகர்கள் மகேஷ்பாபு மற்றும் அருண் விஜய் ஆகியோருக்கு கொரோனா தொற்று இருப்பது உறுதி செய்யப்பட்டுள்ளது.
