பாஜக அறிவுசார் பிரிவு மாநில தலைவராக இருந்த அர்ஜுனமூர்த்தி ரஜினியின் கட்சிக்கு தாவிய நிலையில், அந்த பதவிக்கு பிரபல ஜோதிடர் ஷெல்வீ நியமனம் செய்யப்பட்டுள்ளார்.
நடிகர் ரஜினிகாந்த், நேற்று தனது அரசியல் பயணத்தை உறுதி செய்தார். ஜனவரியில் கட்சி ஆரம்பிப்பதாக செய்தியாளர்களிடம் அறிவித்த சூட்டோடு, கட்சியின் ஒருங்கிணைப்பாளராக அர்ஜுன மூர்த்தி என்பவரை நியமித்தார். இவர், பா.ஜ.க. அறிவுசார் பிரிவு மாநில தலைவராக இருந்தவர்.
மாநில அளவில் கட்சிப் பதவியை வகித்த அர்ஜுனமூர்த்தி, சொல்லாமால் கொள்ளாமல் ரஜினி கட்சியில் இணைந்தது, பாஜகவினர் மத்தியில் அதிர்வலைகளை ஏற்படுத்தியது. இதையடுத்து, உடனடியாக அர்ஜுன மூர்த்தியை நீக்குவதாக, தமிழக பாஜக தெரிவித்தது.
இந்த சூழலில், பா.ஜ.க. அறிவுசார் பிரிவு மாநில தலைவராக, பிரபல ஜோதிடர் ஷெல்வீ நியமிக்கப்பட்டுள்ளதாக, அக்கட்சி இன்று தெரிவித்துள்ளது.
