சென்னை சூப்பா் கிங்ஸ் –க்கு முதலமைச்சர் தலைமையில் பாராட்டு விழா திட்டம்

வரும் 20 ஆம் தேதி சென்னை கலைவாணர் அரங்கில் முதலமைச்சர் ஸ்டாலின் தலைமையில் தோனி தலைமையிலான சென்னை சூப்பா் கிங்ஸ் அணியினர்க்கு பாராட்டு விழா நடத்த திட்டமிடப்பட்டுள்ளது. ஐபிஎல் போட்டியின் 14 ஆவது சீசன் இறுதி ஆட்டத்தில் சென்னை சூப்பா் கிங்ஸ் 27 ரன்கள் வித்தியாசத்தில் கொல்கத்தா நைட் ரைடா்ஸை வீழ்த்தி சாம்பியன் பட்டம் வென்றது. 4ஆவது முறையாக கோப்பையை வென்ற அணிக்கு முதலமைச்சர் ஸ்டாலின் அவர்கள் தனது பாராட்டுகளை தெரிவித்திருந்தார். மேலும்  சென்னை சூப்பர் கிங்ஸ் வெற்றியை கொண்டாட சென்னை அன்புடன் காத்திருக்கிறது மகேந்திர சிங் தோனி என முதலமைச்சர் ஸ்டாலின் அவர்கள் கூறியிருந்தார்.