நடிகர், இயக்குனர், பாடலாசிரியர் என பல திறமைகளை கொண்டவர் அருண்ராஜா காமராஜ். இவர் இயக்கிய ‘கனா’ திரைப்படம் நல்ல வரவேற்பை பெற்றது. இவர் அடுத்ததாக உதயநிதி ஸ்டாலின் கதாநாயகனாக நடிக்கும் படத்தை இயக்கி வருகிறார். போனி கபூர் இப்படத்தை தயாரித்து வருகிறார்.
இந்நிலையில் இப்படத்தின் தலைப்பு மற்றும் மோஷன் போஸ்டர் இன்று வெளியாகியுள்ளது. அதன் படி, இப்படத்திற்கு “நெஞ்சுக்கு நீதி” என்று தலைப்பு வைக்கப்பட்டுள்ளது. இப்படத்தின் ஹீரோயினாக நடிகை தான்யா ரவிச்சந்திரன் நடிக்கின்றார். முக்கிய வேடங்களில் ஆரி அர்ஜுனன், ஷிவானி ராஜசேகர் நடிக்கின்றனர். மேலும் மயில் சாமி, சுரேஷ் சக்ரவர்த்தி, இளவரசு, ‘ராட்சசன்’ சரவணன் உள்ளிட்ட பலரும் நடிக்கின்றனர்.
