நெல்லை மாவட்டம் அம்பாசமுத்திரம் அருகே அடைச்சாணியில் கேரளாவிற்கு கடத்துவதற்காக கொண்டு செல்லப்பட்ட 2 டன் ரேசன் அரிசியை அம்பாசமுத்திரம் போலீசார் கைப்பற்றினர்.
அம்பாசமுத்திரம் பகுதியில் இருந்து கேரளாவிற்கு ரேசன் அரிசி கடத்தப்படுவதாக போலீஸாருக்குத் தகவல் கிடைத்தது. இதையடுத்து அம்பா முத்திரம் சப் இன்ஸ்பெக்டர் சைமன் ஷ்யாம் பாகூர் மற்றும் போலீஸார் வாகன சோதனையில் ஈடுபட்டனர். அப்போது அந்த வழியாக வந்த மினி லாரியை மறித்து சோதனையிட்டதில் 2 டன் ரேசன் அரிசி இருந்தது தெரியவந்தது. இதையடுத்து அரிசி மற்றும் லாரியை போலீசார் பறிமுதல் செய்தனர். மேலும் அரிசி கடத்தலில் ஈடுபட்டதாக அடைச்சானியைச் சேர்ந்த அஜித் என்பவரையும் போலீசார் கைது செய்தனர்.
