இறுதி ஊர்வலத்தில் மோதல் 4 பேர் கைது

சென்னை அடுத்த முடிச்சூரில், இறுதி ஊர்வலத்தில் இரு தரப்பினரிடையே ஏற்பட்ட மோதலில், நான்கு பேரை போலீசார் கைது செய்தனர். முடிச்சூர் லட்சமி பகுதியைச் சேர்ந்த பாபு என்பவரது வீட்டில் இருந்த மின்விசிறிக்கு மின் இணைப்பு கொடுத்தம் போது எதிர்பாராதவிதமாக மின்சாரம் தாக்கி உயிரிழந்தார். இந்த நிலையில், இறுதி ஊர்வலத்தின் போது கஞ்சா போதையில் இரு தரப்பினருக்கு இடையே மோதல் ஏற்பட்டுள்ளது. அப்போது ஹரிபிரசாத் என்பவரை சிலர் அரிவாளால் வெட்டிவிட்டு தப்பியதாக கூறப்படுகிறது. இதனையடுத்து ஹரிபிரசாத்தின் நண்பர்கள் 5 பேர், அருண் என்பவரின் வீட்டை அடித்து நொறுக்கினர். இதுகுறித்த புகாரின் பேரில் நான்கு பேர் கைது செய்யப்பட்டுள்ளனர். மேலும், தலைமறைவான மற்றொருவரை தேடி வருகின்றனர்.