ஸ்விஸ் ஓபன் பேட்மின்டன் போட்டியில் சாம்பியன் பட்டம் வென்ற பி.வி. சிந்துவுக்கு முதலமைச்சர் ஸ்டாலின் பாராட்டு தெரிவித்துள்ளார்.
ஸ்விட்சர்லாந்து தலைநகர் பேசல் நகரில் நேற்று நடைபெற்ற இறுதிப்போட்டியில் உலகின் 11ம் நிலை வீராங்கனையான BUSANAN-ஐ வீழ்த்தி, இந்தியாவின் பி.வி சிந்து சாம்பியன் பட்டம் வென்றார்.
இந்தநிலையில் சிந்துவுக்கு வாழ்த்து கூறி டுவிட் செய்த முதலமைச்சர் ஸ்டாலின், ஸ்விஸ் ஓபன் பேட்மின்டன் ஒற்றையர் போட்டியில் 2வது முறையாக சிந்து சாம்பியன் பட்டத்தை வென்று, அனைவரையும் பெருமையடைய செய்துள்ளதாக குறிப்பிட்டுள்ளார். அவர் மேலும் பல பட்டங்களை வென்று, இளைஞர்களை ஊக்குவிக்க வேண்டும் எனவும் வாழ்த்துவதாக கூறியுள்ளார்.
