கூடைப்பந்து போட்டியில் அசாம் அணியை வீழ்த்தி பஞ்சாப் அணி வெற்றி

சென்னையில் நடைபெற்று வரும் தேசிய சீனியர் கூடைப்பந்து போட்டியில் அசாம் அணியை வீழ்த்தி பஞ்சாப் அணி வெற்றி பெற்றது.
தமிழ்நாடு கூடைப்பந்து சங்கம் சார்பில் சென்னை நேரு உள்விளையாட்டு அரங்கத்தில் இருபாலருக்கான 71வது தேசிய சீனியர் கூடைப்பந்து சாம்பியன்ஷிப் போட்டிகள் கடந்த ஏப்ரல் மூன்றாம் தேதி துவங்கியது.எட்டு நாட்கள் நடைபெறும் இந்த போட்டியில் தமிழ்நாடு, டெல்லி, ஹரியானா, பஞ்சாப், கர்நாடகா, கேரளா உள்பட ஆடவர் பிரிவில் 16அணிகளும், மகளிர் பிரிவில் 15அணிகளும் பங்கேற்று விளையாடி வருகின்றார். இதில் இன்று நடைபெற்ற லீக் போட்டியில் அசாம் பஞ்சாப் அணிகள் மோதின.இதில் பஞ்சாப் அணி 72 புள்ளிகள் பெற்று வெற்றி பெற்றது.அதனை எதிர்த்து விளையாடிய அசாம் அணி 37 புள்ளிகள் மட்டுமே பெற்று தோல்வி அடைந்தது. இன்று மாலை நடைபெறும் போட்டியில் தமிழ்நாடு ஆண்கள் அணி ஹரியானா அணியையும் பெண்கள் அணி கேரளா அணியையும் எதிர் கொள்கிறது.