மத்திய சுகாதாரம் மற்றும் குடும்ப நலத்துறை அமைச்சகத்தின் இன்றைய புள்ளி விவரங்கள் படி நாடு முழுவதும் இன்று மட்டும் ஒரே நாளில் 1,233 பேர் கொரோனா வைரஸ் தொற்றால் பாதிக்கப்பட்டுள்ளனர்.
அதே நேரத்தில் கடந்த 24 மணி நேரத்தில் 1,876 பேர் கொரோனாவில் இருந்து மீண்டுள்ளனர். இதுவரை ஒட்டுமொத்தமாக 4,24,87,410 பேர் கொரோனா தொற்றில் இருந்து குணமடைந்து வீடு திரும்பி உள்ளனர்.
இன்று மட்டும் 31 பேர் கொரோனாவுக்கு உயிரிழந்துள்ளனர். மொத்தமாக இதுவரை 5,21,101 பேர் கொரோனாவுக்கு உயிரிழந்துள்ளனர். நாடு முழுவதும் தற்போது 14,704 பேர் சிகிச்சை பெற்று வருகின்றனர்.
இந்தியாவில் கொரோனாவில் இருந்து குணமடைந்தோர் சதவீதம் 98.75 ஆகவும், உயிரிழப்பு சதவீதம் 1.21 ஆகவும் உள்ளது. நேற்று மட்டும் 26,34,080 டோஸ்கள் நாடு முழுவதும் செலுத்தப்பட்டு உள்ளது. இதுவரை ஒட்டுமொத்தமாக 1,83,82,41,743 டோஸ்கள் இந்தியா முழுவதும் செலுத்தப்பட்டு உள்ளன.
இந்தியாவில் அமல்படுத்தப்பட்டுள்ள கொரோனா கட்டுப்பாட்டுகள் நாளையுடன் முடிவுக்கு வருகிறது. ஆனாலும் பொதுமக்கள் அனைவரும் முகக்கவசம் அணிவது உள்ளிட்ட வழிகாட்டு நெறிமுறைகளை முழுவதும் பின்பற்ற வேண்டும் என மத்திய அரசு கேட்டுக்கொண்டுள்ளது.
