டெல்லியில் காங்கிரஸ் தலைவர் சோனியா காந்தியை நேரில் சந்தித்த டி.ஆர் பாலு, திமுக அலுவலகம் திறப்பு நிகழ்ச்சிக்கு அழைப்பு விடுத்துள்ளார்.
மக்களவை தேர்தலையொட்டி, எதிர்கட்சிகளை ஒன்று திரட்டும் முயற்சியில் திமுக ஈடுபட்டுள்ளது. இதற்கு பயன்படும் வகையில் டெல்லியின் தீன் தயாள் உபத்யாய் பகுதியில் திமுகவின் அண்ணா அறிவாலயம் திறக்கப்பட உள்ளது. இந்த அலுவலகம் அடுத்த மாதம் 2ம் தேதி திறப்பு விழா காண உள்ள நிலையில், இதில் எதிர்கட்சி தலைவர்களும் பங்கேற்கின்றனர்.
இந்தநிலையில் டெல்லியில் காங்கிரஸ் தலைவர் சோனியா காந்தி, முன்னாள் தலைவர் ராகுல் காந்தி ஆகியோரை சந்தித்த மக்களவை உறுப்பினர் டி.ஆர். பாலு, நிகழ்ச்சியில் பங்கேற்க அழைப்பு விடுத்தார்.
