கனமழை எச்சரிக்கை தொடர்பாக, இன்று மாவட்ட கலெக்டர்களுடன், தமிழக முதலமைச்சர் மு.க.ஸ்டாலின் ஆலோசனை நடத்த இருக்கிறார்.
வங்கக் கடலில், குறைந்த காற்றழுத்த தாழ்வு பகுதி உருவாகிறது. இதன் காரணமாக, ‘நாளை முதல் 3 நாட்களுக்கு, பெரும்பாலான மாவட்டங்களில், கனமழை பெய்யக் கூடும் என்று இந்திய வானிலை ஆய்வு மையம் எச்சரிக்கை விடுத்திருக்கிறது. மழையை எதிர்கொள்ள, மாவட்ட நிர்வாகங்கள் எடுத்துள்ள முன்னெச்சரிக்கை நடவடிக்கைகள் குறித்து, அனைத்து மாவட்ட கலெக்டர்களுடன் இன்று காலை 11:00 மணிக்கு தமிழக முதலமைச்சர் மு.க.ஸ்டாலின் ஆலோசனை நடத்த இருக்கிறார்.
