தமிழகத்தில் 9 மாவட்ட ஊரக உள்ளாட்சி தேர்தலுக்கான வேட்பு மனு தாக்கல் நிறைவு பெற்றுள்ளது.
தமிழகத்தில் காஞ்சிபுரம், செங்கல்பட்டு, உள்ளிட்ட 9 மாவட்டங்கள் புதிதாக பிரிக்கப்பட்டதால் வார்டு மறுவரையறை காரணமாக கடந்த 2019ம் ஆண்டு இந்த மாவட்டங்களில் ஊரக உள்ளாட்சித் தேர்தல் நடைபெறவில்லை. எனவே அடுத்த மாதம் 6 மற்றும் 9 ஆம் தேதிகளில் நடைபெறவுள்ளது.
இந்த தேர்தலில் போட்டியிடுபவர்களுக்கான வேட்புமனு தாக்கல் கடந்த 15-ம் தேதி தொடங்கியது. இதில், பல்வேறு கட்சி வேட்பாளர்களும், சுயேட்சை கட்சியினரும் தங்கள் வேட்புமனுக்களை தாக்கல் செய்தனர். இந்நிலையில், நேற்று மாலை 5 மணியுடன் வேட்புமனுதாக்கல் நிறைவடைந்தது. மேலும், வேட்புமனுக்களை திரும்பப்பெற நாளை மறுநாள் கடைசி நாள் ஆகும்.
