மாவட்டத்தில் வாக்கு எண்ணும் பணி அமைதியான முறையில் நடைபெற்று வருகிறது வாக்கு எண்ணும் மையத்தை ஆய்வு செய்தபின் தஞ்சாவூர் மாவட்ட கலெக்டர் பேட்டியளித்துள்ளார்.
தஞ்சாவூர் மாவட்டம் கும்பகோணம் சிறிய மலர் மேல்நிலைப்பள்ளி வாக்கு எண்ணும் மையத்தில் திருபுவனம் திருவிடைமருதூர் ஆடுதுறை வேப்பத்தூர் திருப்பனந்தாள் சோழபுரம் சுவாமிமலை பாபநாசம் திருநாகேஸ்வரம் ஆகிய ஒன்பது பேரூராட்சிகளுக்கு இன்று காலை முதல் வாக்கு எண்ணும் பணி நடைபெற்று முடிந்துள்ளது. இந்நிலையில் வாக்கு எண்ணும் மையத்திற்கு ஆய்வு செய்ய தஞ்சை மாவட்ட கலெக்டர் தினேஷ் பொன்ராஜ் ஆலிவர் வருகை தந்தார். அனைத்து பேரூராட்சி வாக்கு எண்ணும் மையங்களை சென்று பார்வையிட்டு விசாரணை செய்தார்.
அதன்பின் செய்தியாளர்களுக்கு பேட்டி அளித்த அவர், கும்பகோணம், தஞ்சாவூர் மாவட்டத்தில் அதிராம்பட்டினம் பேராவூரணி தஞ்சாவூர் ஆகிய இடங்களிலும் வாக்கு என்னும் பணி அமைதியான முறையில் நடைபெற்று வருகிறது என கூறினார்.
