நகர்ப்புற உள்ளாட்சி தேர்தலில் விஜய் மக்கள் இயக்கத்தினர் போட்டியிட அனுமதி அளிக்கப்பட்டுள்ளதாக தகவல் வெளியாகியுள்ளது.
நகர்ப்புற உள்ளாட்சி தேர்தல் பிப்ரவரி மாதம் 19ம் தேதியன்று நடைபெற உள்ளது. நாளை வேட்புமனுத்தாக்கல் தொடங்க உள்ள நிலையில், அரசியல் கட்சிகள் சுறுசுறுப்பாகியுள்ளன.
இந்நிலையில், நடிகர் விஜய் மக்கள் இயக்கமும் களத்தில் இறங்க முடிவு செய்துள்ளது. தமிழகம் முழுவதும் நடைபெறவுள்ள நகர்ப்புற உள்ளாட்சி தேர்தலில் விஜய் மக்கள் இயக்கத்தினர் போட்டியிட அனுமதி அளிக்கப்பட்டுள்ளதாக, அதன் பொதுச் செயலாளர் புஸ்ஸி ஆனந்த் தெரிவித்துள்ளார்.
