திருந்தி வந்தால் கட்சியில் சேர்க்கப்படுவார்கள்

தவறு செய்தவர்கள் திருந்தி வந்தால், அவர்களை மனம் திருந்தி ஏற்றுக்கொள்ள வேண்டும், அதுவே சிறந்த தலைமை என்று அதிமுக ஒருங்கிணைப்பாளர் ஓ.பி.எஸ். தெரிவித்துள்ளார். சென்னை சேத்துப்பட்டில், உள்ள முதியோர் இல்லத்தில், அதிமுக சார்பில் கிறிஸ்துமஸ் விழா கொண்டாடப்பட்டது. இதில் அதிமுக ஒருங்கிணைப்பாளர் ஓ.பன்னீர்செல்வம், இணை ஒருங்கிணைப்பாளர் எடப்பாடி பழனிச்சாமி உள்ளிட்டோர் கலந்து கொண்டு, இல்லத்தின் அருட்தந்தை சைமன் ராஜுடன் இணைந்து கேக் வெட்டி கொண்டாடினர். பின்னர் நிகழ்ச்சியில் பேசிய ஓ.பி.எஸ்., எந்தவித பாகுபாடும் இல்லாமல், அனைத்து மக்களுக்குமான பணியாளர்களாக அதிமுக பணியாற்றி வருவதாக குறிப்பிட்டார். தொடர்ந்து பேசிய அவர், தவறு செய்தவர்கள் திருந்தி வந்தால், அவர்களை மனம் திருந்தி ஏற்றுக்கொள்ள வேண்டும் என்ற இயேசு பிரான் கதையை எடுத்துக்காட்டாக கூறினார்