தனியார் பள்ளிகளில் 75 சதவீதம் கட்டணம் மட்டுமே வசூலிக்க வேண்டும் என பள்ளிக்கல்வித்துறை எச்சரித்துள்ளது.
கொரோனா 2 வது அலை பரவல் காரணமாக, நடப்பு ஆண்டிற்கான வகுப்புகளும் ஆன்லைனில் நடத்தப்படுகின்றன. இந்த வழக்கில், ஆன்லைன் வகுப்பிற்கான கட்டணத்தில் 75 சதவீதத்தை மட்டுமே வசூலிக்குமாறு தனியார் பள்ளிகளுக்கு கல்வித் துறை உத்தரவிட்டுள்ளது.
பல பள்ளிகள் முழு கட்டணத்தையும் வசூலிக்கின்றன என்ற புகார்களுக்கு பள்ளிக்கல்வித்துறை இந்த எச்சரிக்கையை விடுத்துள்ளது. இதுதொடர்பாக வெளியிட்டுள்ள அறிக்கையில், சிபிஎஸ்இ, மெட்ரிக், ஐசிஎஸ்இ, ஐஜிசிஎஸ்இ மற்றும் ஐபி பள்ளிகளில் 75 சதவீதம் மட்டுமே கட்டணம் வசூலிக்க வேண்டும் என தெரிவித்துள்ளது. மேலும், கட்டணம் செலுத்த முடியாத மாணவர்களை கட்டாயப்படுத்தக்கூடாது என்று கல்வித் துறை அறிவுறுத்தியுள்ளது.
