பஞ்சாப்பில் பூமழை பொழிவுக்கு இடையே அரவிந்த் கெஜ்ரிவால் வாக்குசேகரிப்பு

பஞ்சாப் மாநிலம் குர்தாஸ்பூர் பகுதியில் பூமழை பொழிவுக்கு இடையே அரவிந்த் கெஜ்ரிவால் வாக்குசேகரிப்பில் ஈடுபட்டு வருகிறார். பஞ்சாப் சட்டமன்றத்துக்கு வரும் 20 ஆம் தேதி ஒரே கட்டமாக தேர்தல் நடைபெறவுள்ளது. இந்த நிலையில் அங்கு அரசியல் கட்சிகளில் இறுதி கட்ட தேர்தல் பிரச்சாரம் உச்சகட்டத்தை அடைந்துள்ளது. இந்த நிலையில் பஞ்சாப் சட்டமன்ற தேர்தலில் ஆம் ஆத்மி-கே வெற்றி வாய்ப்பு பிரகாசமாக உள்ளதாக தேர்தலுக்கு முந்தைய கருத்து கணிப்புகள் வெளியான நிலையில் அக்கட்சி தலைமை படு உற்சாகத்தில் உள்ளது. இந்த நிலையில் இன்று பஞ்சாப் மாநிலத்தின் குர்தாஸ்பூர் பகுதியில் தேர்தல் பிரச்சாரத்தில் ஈடுபட்ட அக்கட்சியின் தேசிய ஒருங்கிணைப்பாளரும், டெல்லி முதல்வருமான அரவிந்த் கெஜ்ரிவாலுக்கு அக்கட்சி தொண்டர்கள் பூமழை பொழிந்து வரவேற்பு அளித்தனர்.