வைகை ஆற்றில் ஏற்பட்ட வெள்ளத்தில் நாய்க்குட்டியுடன் சிக்கிய நாயை தீயணைப்பு துறையினர் மீட்டனர்.
மதுரை மாவட்டத்தில் கடந்த சில நாட்களாக பெய்து வரும் தொடர் மழையால் வைகை ஆற்றில் வெள்ளப்பெருக்கு ஏற்பட்டுள்ளது. இந்நிலையில், மதுரை ஆரப்பாளையம் பேருந்து நிலையம் அருகே உள்ள வைகை ஆற்றுப்பாலம் அருகே உள்ள மணல் மேட்டில் நாய் ஒன்று தனது ஒரு மாத குட்டியுடன் சிக்கி கரை திரும்ப முடியாமல் தவித்தது.
இது பற்றி தகவல் கிடைத்ததும் தீயணைப்பு வீரர்கள் சம்பவ இடத்துக்கு வந்து கயிறு மூலம் ஆற்றுப்பாலத்தில் இருந்து மணல்மேட்டில் இறங்கினர். அப்போது புதிதாக வந்தவர்களை பார்த்த தாய் நாய் நாய்க்குட்டியை விட்டுவிட்டு ஆற்றில் குதித்து சிறிது தூரம் நீந்தி சென்றது. இதையடுத்து தீயணைப்பு துறையினர் மணல் மேட்டில் சிக்கிய நாய்க்குட்டியை மீட்டனர்.
