காற்றழுத்த தாழ்வு பகுதி காரணமாக சென்னை மற்றும் அதன் சுற்றியுள்ள பகுதிகளில் நேற்று முதல் விடியவிடிய காற்றுடன் கூடிய கன மழை பெய்து வருகிறது. இதன் காரணமாக பல்வேறு இடங்களில் உள்ள சுரங்கபாதைகள் நீரில் மூழ்கியுள்ளன. மேலும் முன்னெச்சரிக்கை நடவடிக்கையாக சென்னையில் பல இடங்களில் மின்சாரம் துண்டிக்கப்பட்டுள்ளது.
இந்நிலையில், சென்னையில் 11 சுரங்கப்பாதைகளில் போக்குவரத்து நிறுத்தப்பட்டுள்ளது. கோடம்பாக்கம் துரைசாமி சுரங்கப்பாதை, அரங்கநாதன் சுரங்கப்பாதை, தி.நகர் மேட்லி சுரங்கப்பாதை, ரங்கராஜபுரம் சுரங்கப்பாதை, திருவொற்றியூர், மாணிக்கம் நகர், வியாசர்பாடி, கணேசபுரம், ராயபுரம் (ஆர்பிஐ) ஆகிய இடங்களின் சுரங்கப்பாதை போக்குவரத்து நிறுத்தப்பட்டுள்ளது. சுரங்கப்பாதை வழியாக செல்வதை தவிர்க்குமாறு பொதுமக்களுக்கு அறிவுறுத்தப்பட்டுள்ளது.
