விஜய் நடிப்பில் வெளியாகி வெற்றிபடமான ‘மாஸ்டர்’ திரைப்படத்தை அடுத்து நெல்சன் இயக்கத்தில் உருவாகி வரும் ‘பீஸ்ட்’ படத்தில் நடித்து வருகிறார். இப்படத்தின் படப்பிடிப்பு விறுவிறுப்பாக நடைபெற்று வருகிறது. இந்நிலையில் விஜய் நடிக்கும் அடுத்த படத்தை தெலுங்கு இயக்குனர் வம்சி பைடிப்பல்லி இயக்கவுள்ளார். தமிழ் மற்றும் தெலுங்கில் உருவாகும் இந்தப் படத்தை தெலுங்கு திரைப்பட தயாரிப்பாளர் தில் ராஜு தயாரிக்கிறார்.
இப்படத்தின் விஜய்க்கு ஜோடியாக யார் நடிக்க போவது என்பது குறித்து அறிவிப்பு இன்னும் வெளியாகவில்லை. இந்த நிலையில், விஜய்க்கு ஜோடியாக நடிகை கீர்த்தி சுரேஷ் நடிப்பதாக தகவல் வெளியாகியுள்ளது. ஏற்கனவே, கீர்த்தி சுரேஷ் விஜய்யுடன் ‘பைரவா’ மற்றும் ‘சர்கார்’ ஆகிய படங்களில் நடித்துள்ளார்.
