கனமழை காரணமாக எந்தெந்த மாவட்டங்களில் பள்ளி, கல்லூரிகளுக்கு விடுமுறை..

தமிழகத்தில் வடகிழக்கு பருவமழை தீவிரமடைந்து வருகிறது. சென்னையில் பல்வேறு இடங்களில் இன்று காலை முதல் கனமழை பெய்து வருகிறது.

இதனால் சென்னை, திருவள்ளுர், காஞ்சிபுரம், செங்கல்பட்டு ஆகிய 4 மாவட்டங்களில் உள்ள பள்ளி, கல்லூரிகள் மற்றும் அரசு அலுவலங்களுக்கு ஏற்கனவே 2 நாட்கள் விடுமுறை அளிக்கப்பட்டுள்ளது.

இந்நிலையில் கனமழை தொடரும் நிலையில் கள்ளக்குறிச்சி, வேலூர், ராணிப்பேட்டை, அரியலூர், திருச்சி, நாமக்கல், நாகை, பெரம்பலூர், புதுக்கோட்டை ஆகிய மாவட்டங்களில் பள்ளிகளுக்கு மட்டும் இன்று விடுமுறை அளிக்கப்பட்டுள்ளது.

மேலும் கனமழை காரணமாக திருவண்ணாமலை, விழுப்புரம், தஞ்சாவூர், கடலூர், மயிலாடுதுறை, கரூர், சேலம், திருப்பத்தூர் ஆகிய மாவட்டங்களில் பள்ளி,கல்லூரிகளுக்கு இன்று விடுமுறை அளிக்கப்பட்டுள்ளது.