அதிமுகவின் புதிய அவை தலைவர் தேர்வு குறித்து அக்கட்சியின் ஒருங்கிணைப்பாளர் ஓ.பன்னீர்செல்வம் மற்றும் துணை ஒருங்கிணைப்பாளர் எடப்பாடி கே.பழனிசாமி ஆலோசனை நடத்தி வருகின்றனர்.
அதிமுக அவைத் தலைவர் மதுசூதனன் உடல்நலக் குறைவால் சில நாட்களுக்கு முன்பு உயிரிழந்தார். இந்நிலையில், சென்னையில் உள்ள அதிமுக தலைமை அலுவலகத்தில் புதிய அவை தலைவர் நியமனம் தொடர்பாக கட்சியின் மூத்த தலைவர்களுடன் ஓ.பன்னீர்செல்வம் மற்றும் எடப்பாடி கே.பழனிசாமி ஆலோசனை நடத்தி வருகின்றனர். மேலும் அ.தி.மு.க -வின் 50 -வது பொன்விழா அக்டோபர் 17 -ம் தேதி கொண்டாடப்பட உள்ளது. இது குறித்தும் விவாதிக்கப்படுவதாக தகவல் வெளியாகியுள்ளது.
