ஈக்வடார்,
ஈக்வடாரில் மூன்று நகரங்களில் உள்ள சிறைகளில் நடந்த கலவரத்தில் 62 கைதிகள் இறந்துள்ளதாக அதிகாரிகள் தெரிவித்தனர்.
தென்னமெரிக்க நாடான ஈக்வடாரில் சிறைச்சாலைகளில் இரு குழுக்களிடையே கடும் மோதல் வெடித்துள்ளது. சிறைச்சாலை இயக்குனர் எட்முண்டோ மோன்காயோ கூறி இருப்பதாவது:–
சிறையில் இரு குழுக்களிடையே தலைமைத்துவம் குறித்த போட்டியால் இந்த வன்முறை நடந்ததாகவும், போலீஸ் அதிகாரிகளால் தாக்குதலுக்கு பயன்படுத்தப்பட்ட ஆயுதங்களைத் தேடுவதன் மூலம் மோதல்கள் துரிதமாக கட்டுப்படுத்தப்பட்டதாகவும் மோன்காயோ கூறி உள்ளார்.
அதேவேளை, தெற்கு ஈக்வடாரில் உள்ள குயெங்காவில் உள்ள சிறைச்சாலையில் 33 பேரும், பசிபிக் கடற்கரை நகரமான குவாயாகுவில் 21 பேரும், மத்திய நகரமான லடகுங்காவில் எட்டு பேரும் இறந்ததாக மோன்காயோ தெரிவித்தார்.
நாட்டின் சிறைக் கைதிகளில் 70 சதவீதம் பேர் அமைதியின்மைக்கான மையங்களில் வாழ்கின்றனர் என்றும் மோன்காயோ கூறி உள்ளார். ஈக்வடாரில் சமீபத்திய ஆண்டுகளில் கொடிய சிறைக் கலவரங்கள் ஒப்பீட்டளவில் அடிக்கடி நிகழ்ந்துள்ளன. அதன் சிறைச்சாலைகள் சுமார் 27,000 கைதிகளுக்காக வடிவமைக்கப்பட்டுள்ளன.
ஆனால் 38,000 பேர் உள்ளனர் என்பது குறிப்பிடத்தக்கது. இந்த வார கலவரத்தின் விளைவாக, சிறைச்சாலைகளின் வெளிப்புற சுற்றுகளில் ஆயுதங்கள், வெடிமருந்துகள், வெடிபொருட்களைக் கடுமையாக கட்டுப்படுத்துமாறு பாதுகாப்பு அமைச்சகத்திற்கு உத்தரவிட்டதாக ஜனாதிபதி லெனான் மோரேனோ டுவீட் செய்துள்ளார்.
