மாஸ்டர்கார்டு மற்றும் விசா உள்ளிட்ட நிறுவனங்கள் பல்வேறு வங்கிகளுக்கு ஏடிஎம் மற்றும் கிரெடிட் கார்டுகளை வழங்குகின்றன.
ஏப்ரல் 6, 2018 அன்று, ரிசர்வ் வங்கி அத்தகைய நிறுவனங்களுக்கு ஒரு சுற்றறிக்கை வெளியிட்டது. அதில், 6 மாதங்களுக்குள், வாடிக்கையாளர்களிடமிருந்து சேகரிக்கப்பட்ட தகவல்களும் பண பரிமாற்ற விவரங்களும் இந்தியாவில் மட்டுமே சேகரிக்கப்படுவதை நிறுவனங்கள் உறுதி செய்ய வேண்டும் என்று கூறப்பட்டது.
இந்த உத்தரவை மாஸ்டர்கார்டு ஏற்கவில்லை. இதன் விளைவாக, புதிதாக யாருக்கும் ஏ.டி.எம் கார்டு , கிரெடிட் கார்டு மற்றும் ப்ரீபெய்ட் கார்டு வழங்க மாஸ்டர்கார்டு நிறுவனத்துக்கு ரிசர்வ் வங்கி நேற்று தடை விதித்துள்ளது. இந்த தடை வருகிற 22 ஆம் தேதி முதல் அமலுக்கு வரும். அத்தகைய தடையை விதித்த 3 வது நிறுவனம் மாஸ்டர்கார்டு ஆகும்.
இருப்பினும், இது அதன் பழைய வாடிக்கையாளர்களுக்கு எந்த பாதிப்பையும் ஏற்படுத்தவில்லை என்று தெரிவிக்கப்பட்டுள்ளது.
