இந்தியாவில் தொற்று பாதிப்பால் இன்று ஒரே நாளில் 94 பேர் உயிரிழந்துள்ளனர்.
புதுடெல்லி,
இந்தியாவில் கடந்த 24 மணி நேரத்தில் புதிதாக 11,067 பேருக்கு கொரோனா தொற்று உறுதி செய்யப்பட்டுள்ளது. இதனால் மொத்த கொரோனா பாதிப்பு எண்ணிக்கை 1,08,58,371 ஆக அதிகரித்துள்ளது. அதேபோல், தொற்று பாதிப்பால் இன்று ஒரே நாளில் 94 பேர் உயிரிழந்துள்ளனர்.
இதன்மூலம் உயிரிழந்தோர் எண்ணிக்கை 1,55,252 ஆக உயர்ந்துள்ளது. இந்தியாவில் இன்று ஒரே நாளில் 13,087 பேர் டிஸ்சார்ஜ் செய்யப்பட்டநிலையில், கொரோனாவில் இருந்து குணமடைந்தவர்களின் எண்ணிக்கை 1,05,61,608 ஆக உயர்ந்துள்ளது.
மேலும் கொரோனா தொற்றுக்கு 1,41,511 பேர் சிகிச்சை பெற்று வருவதாக மத்திய சுகாதார அமைச்சகம் தெரிவித்துள்ளது. மேலும் இந்தியா முழுவதும் 66,11,561 பேருக்கு கொரோனா தடுப்பூசி போடப்பட்டுள்ளது. இந்தியாவில் இதுவரை 20,33,24,655 மாதிரிகள் பரிசோதிக்கப்பட்டுள்ளதாகவும் இந்தியா முழுவதும் நேற்று 07,லட்சத்து 36 ஆயிரத்து 903 மாதிரிகள் பரிசோதிக்கப்பட்டுள்ளதாக இந்திய மருத்துவ ஆராய்ச்சி கவுன்சில் தெரிவித்துள்ளது.
