சென்னை யானைக்கவுணியில் ஒரே குடும்பத்தை சேர்ந்த 3 பேர் துப்பாக்கியால் சுட்டுக் கொல்லப்பட்டுள்ளனர். இச்சம்பவம் பரபரப்பை ஏற்படுத்தி இருக்கிறது.
கொலை செய்யப்பட்டவர்கள், வயதான தந்தை தலில் சந்த், தாய் புஷ்பா பாய் மற்றும் மகன் சீத்தல் ஆகிய 3 பேர் என்று முதற்கட்ட விசாரணையில் தெரியவந்துள்ளது.
கொலை செய்யப்பட்ட தலில்சந்த் ராஜஸ்தான் மாநிலம் பிரோகி ஜவான் கிராமத்தை சேரந்தவர் என்பதும் சென்னை சவுக்கார்பேட்டையில் பைனான்ஸ் தொழில் செய்து வருகிறார் என்பது தெரியவந்துள்ளது.
தலில்சந்த் மகள் பிங்கி இரவு சுமார் 7.20 மணிக்கு தனது தந்தை வீட்டிற்கு வந்து பார்த்த போது 3 பேரும் மெத்தையில் சுட்டுக் கொல்லப்பட்டு கிடப்பதை பார்த்து அதிர்ச்சியடைந்தார். இதுபற்றி உடனடியாக போலீசாருக்கு தகவல் தெரிவித்துள்ளார். மூவரின் மரணம் தொடர்பாக உறவினர்கள் மீது சந்தேகம் இருப்பதாகவும் பிங்கி தெரிவித்துள்ளார்.
இந்த சம்பவம் சென்னை நகரில் பெரும் அதிர்ச்சியையும் பரபரப்பையும் ஏற்படுத்தி இருக்கிறது. இறந்த 3 பேரின் உடலை மீட்டு காவல்துறையினர் விசாரணைச் செய்து வருகின்றனர். சிசிடிவி காட்சிகள் பார்வையிட்டு, மர்ம நபர்களை போலீசார் அடையாளம் காண முயன்று வருகின்றனர்.
