ஜம்மு–காஷ்மீரில் பெய்த கனமழையால் ஏற்பட்ட வெள்ளப்பெருக்கில் குறைந்தது 4 பேர் உயிரிழந்தனர். வெள்ளத்தில் காணாமல் போன 40 பேரை மீட்புப் பணியாளர்கள் தேடி வருகின்றனர். காலையில் இருந்து காஷ்மீர் முழுவதும் பரவலாக மழை பெய்து வருகிறது.
இந்நிலையில் கிஸ்துவார் மாவட்டத்தில் உள்ள குலாப்கர் பகுதியில் மேகவெடிப்பு ஏற்பட்டு மிக பலத்த மழை கொட்டியது. இதன் விளைவாக ஏற்பட்ட திடீர் வெள்ளம் வீடுகளையும் கட்டிடங்களையும் அடித்துச் சென்றது. இடிபாடுகள் மற்றும் பாறைகளில் இருந்து இதுவரை 4 சடலங்கள் மீட்கப்பட்டுள்ளன. வெள்ளத்தில் காணாமல் போன 40 பேரை ராணுவமும் தேசிய பேரிடர் மேலாண்மை படையும் தீவிரமாக தேடி வருகின்றன.
