டெல்லியில் நவராத்திரி விழா துவங்க உள்ளதை முன்னிட்டு துர்கா தேவியின் சிலை தயாரிப்பு பணிகள் களை கட்டியுள்ளது.
வட மாநிலங்களில் நவராத்திரி விழா இன்னும் சில நாட்களில் தொடங்க உள்ளது.
இந்த நிலையில் வட மாநிலங்களில் அதற்கான முன்னேற்பாடுகள் களை கட்டியுள்ளது. அதன்படி டெல்லியில் துர்கா தேவியின் சிலை தயாரிப்பில் சிற்பகலைஞர்கள் மும்முரமாக ஈடுபட்டுள்ளனர்.
கடந்த ஆண்டு கொரோனாவால் சிலை விற்பனை நடைபெறவில்லை.
எனினும் இந்த ஆண்டு கொரோனா குறைந்துள்ளதால் 4 அடி முதல் 5 அடி வரையிலான சிலைகளுக்கு ஆர்டர்கள் கிடைத்து வருவதாக விற்பனையாளர்கள் கூறுகின்றனர்.
ஆனால் முந்தைய ஆண்டுகளை காட்டிலும் ஆர்டர் குறைவாகவே வருகிறது என சிலை விற்பனையாளர்கள் கவலை தெரிவித்தனர்.
