சென்னை சைதாப்பேட்டையில் ஒரு வீட்டின் முன்பு நிறுத்தி வைக்கப்பட்டிருந்த விலை உயர்ந்த இருசக்கர வாகனத்தை 3 பேர் கொண்ட மர்ம நபர்கள் திருடியுள்ளனர். அதற்கான சிசிடிவி காட்சிகள் வெளியாகியுள்ளன.
சைதாப்பேட்டை சாரதி சேர்ந்த ஓட்டுநர் ஃபைசல் ரகுமான் என்பவர் கடந்த 24ம் தேதி வழக்கம்போல் தனது வீட்டின் முன்பு கேடிஎம் டியூக் இருசக்கர வாகனத்தை நிறுத்திவிட்டு சென்றுள்ளார். இந்நிலையில் கடந்த 25ம் தேதி அதிகாலை இருசக்கர வாகனத்தில் வந்த 3 மர்ம நபர்கள் பூட்டை உடைத்து இருசக்கர வாகனத்தை திருடிச் சென்றனர்.
இதுகுறித்து சைதாப்பேட்டை காவல் நிலையத்தில் புகார் அளிக்கப்பட்டு, சிசிடிவி காட்சிகளின் அடிப்படையில் போலீஸார் விசாரணை நடத்தி வருகின்றனர்.
