சென்னை ராயப்பேட்டையில் உள்ள கட்சி தலைமை அலுவலகத்தில் இன்று காலை எடப்பாடி பழனிசாமி, ஓ.பன்னீர்செல்வம் தலைமையில் அ.தி.மு.க. மாவட்ட செயலாளர்கள் கூட்டம் தொடங்கியது.
இந்த கூட்டத்தில் அவைத் தலைவரை தேர்வு செய்வதை குறித்தும் ஆலோசிக்கப்படும் என தெரிகிறது. மேலும், நகர்ப்புற உள்ளாட்சி தேர்தலில், கட்சியின் வேட்பாளர்களை எப்படி தேர்வு செய்வது, ஒரே தொகுதியில் பலர் போட்டியிட விரும்பினால், அதை எப்படி கையாளுவது? என்பதும் விவாதிக்கப்பட உள்ளது.
அதேபோல் சசிகலாவும் அதிமுகவின் பொதுச்செயலாளர் என்று கூறிக்கொண்டு சுற்றுப்பயணம் மேற்கொள்வதால் அதன் தாக்கம் கட்சியை பாதிக்குமா? எனபது குறித்தும் முக்கியமாக பேசப்பட இருக்கிறது. எனவே இன்று நடைபெறும் அ.தி.மு.க. மாவட்ட செயலாளர்கள் கூட்டம் பெரும் எதிர்பார்ப்பை ஏற்படுத்தியுள்ளது.
