பைக் திருட்டில் ஈடுபட்டவர் கைது

புதுச்சேரியில் தொடர் இருசக்கர வாகன திருட்டில் ஈடுபட்டவரை போலீசார் கைது செய்தனர். உருளையான்பேட்டை காவல் நிலைய பகுதிக்கு உட்பட்ட பல்வேறு இடங்களில் தொடர்ச்சியாக இருசக்கர வாகனங்கள் திருட்டு போவதாக தொடர் புகார்கள் வந்த வண்ணம் இருந்தது. இதனையடுத்து லெனின் வீதி சந்திப்பில் வாகன சோதனையில் ஈடுபட்டிருந்த போலீசார், அவ்வழியே சந்தேகம்படும்படி இருசக்கர வாகனத்தில் வந்த நபரை தடுத்து நிறுத்தி விசாரணை மேற்கொண்டனர். அப்போது அவர் கவுண்டம்பாளையம் பகுதியை சேர்ந்த ரமணா என்பது தெரியவந்தது. மேலும், அவரிடமிருந்தது திருடப்பட்ட வாகனம் என்பது தெரியவந்ததை அடுத்து ரமணாவை கைது செய்த போலீசார் இருசக்கர வானத்தை பறிமுதல் செய்தனர்.