கிறிஸ்மஸ் பண்டிகைக்காக டிசம்பர் 23, 24, 25, 26 ஆகிய தினங்களில் அரசாங்க மற்றும் அரச அங்கீகாரம் பெற்ற பள்ளி மற்றும் கல்லூரிகள் விடுமுறை வழங்கப்படுமென கல்வி அமைச்சின் செயலாளர் பேராசிரியர் கபில பெரேரா அறிவித்தார்.
கொவிட் தொற்று காரணமாக பள்ளி மற்றும் கல்லூரிகள் நீண்ட காலம் மூடப்பட்டிருந்து, தற்போது தான் ஆரம்பிக்கப்பட்டுள்ளது. ஆகையால் பள்ளி மற்றும் கல்லூரிகளில் பாடத்திட்டங்களை முடிக்க வேண்டிய நிலையில், இப்பண்டிகைக் காலத்தில் மாணவர்களுக்கு அதிக நாட்கள் விடுமுறை வழங்க முடியாததால் குறிப்பிட்ட சில நாட்களுக்கு மட்டுமே விடுமுறை வழங்கப்படுவதாக அவர் தெரிவித்தார். எனவே டிசம்பர் 27ஆம் தேதி பள்ளி மற்றும் கல்லூரிகள் மீண்டும் திங்கட்கிழமை திறக்கப்படுமென அவர் தெரிவித்தார்.
