சுயேட்சை வேட்பாளரின் கணவருடைய வாகனத்திற்கு தீ வைத்து எரிப்பு

விருதுநகர் மாவட்டம் ஸ்ரீவில்லிபுத்தூர் 3 வது வார்டு சுயேட்சை வேட்பாளரின் கணவருடைய இருசக்கர வாகனத்திற்கு மர்மநபர்கள் தீ வைத்து எரித்த சம்பவம் அப்பகுதியில் பரபரப்பை ஏற்படுத்தியுள்ளது.   ஸ்ரீவில்லிபுத்தூரில் 3வது வார்டில் திமுக, அதிமுக, தேமுதிக கட்சி பிரமுகர்கள் மற்றும் சுயேட்சை என நான்கு பேர் போட்டியிடுகின்றனர். இந்த நிலையில் சுயேச்சையாக போட்டியிடும்  வேட்பாளர் சுப்புலட்சுமி என்பரவது  கணவர் முனீஸ்வரனின் இருசக்கர வாகனத்திற்கு மர்ம நபர்கள் சிலர் தீ வைத்து எரித்துள்ளனர். இதுகுறித்து போலீசார் வழக்கு பதிவு செய்து தேர்தல் போட்டியா இல்லை வேறு ஏதும் காரணமா என விசாரணை நடத்தி வருகின்றனர்.