பாறை சரிந்து விழுந்ததில் ஆறு பேர் பலி

பிரேசிலில் படகு சவாரியின் போது, பாறை சரிந்து விழுந்ததில் ஆறு பேர் உயிரிழந்த சம்பவம் பெரும் சோகத்தை ஏற்படுத்தியுள்ளது. பிரேசிலின் தெற்கு மினாஸ் ஜெராய்ஸ், கேபிடோலியோ பள்ளத்தாக்குகளில் உள்ள ஏரியில் ஏராளமான சுற்றுலாப் பயணிகள் படகு சவாரி செய்து கொண்டிருந்தனர். அப்போது, யாரும் எதிர்பாராத விதமாக, மிகப்பெரிய ராட்சத பாறை, படகுகள் மீது சரிந்து விழுந்தது. இதில் ஆறு பேர் சம்பவ இடத்திலேயே உயிரிழந்த நிலையில், 32 பேர் காயமடைந்த நிலையில் மீட்கப்பட்டுள்ளனர். இதனிடையே மாயமான 20-க்கும் மேற்பட்டோரை தேடும் பணி தீவிரமாக மேற்கொள்ளப்பட்டு வருகிறது.