திருச்சி ஏர்போர்ட் வயர்லஸ் சாலையில் கடந்த மூன்று நாட்களுக்கு முன்பாக இருசக்கர வாகனத்தை திருடிச் சென்ற நபர் – சிசிடிவி காட்சிகளை கொண்டு திருடனை கைது செய்த போலீசார்.
திருச்சி விமான நிலையம் பகுதியில் உள்ள அந்தோனியார் கோவில் தெருவில் வசித்து வருபவர் பெரியசாமி ( 34),இவர் கடந்த மூன்று நாட்களுக்கு முன்பாக வயர்லஸ் சாலையில் டீக்கடை அருகே தனது ஸ்ப்லெண்டர் இருசக்கர வாகனத்தை நிறுத்திவிட்டு டீ அருந்தி உள்ளார், பின்னர் இருசக்கர வாகனத்தை எடுக்க வந்தபோது அந்த இடத்தில் இரு சக்கர வாகனம் காணாமல் போயிருப்பதைக் கண்டு அதிர்ச்சி அடைந்தார்.
இதுகுறித்து உடனடியாக விமான நிலைய காவல் நிலையத்தில் புகார் அளிக்கப்பட்டது – சம்பவ இடத்திற்கு விரைந்த காவல்துறையினர் சிசிடிவி காட்சிகளை அடிப்படையாகக் கொண்டு திருடிச் சென்ற திருடனை தேடி வந்தனர்,இதில் மாத்தூர் அண்ணா நகர் பகுதியைச் சேர்ந்த குமார் என்பவரை தற்போது கைது செய்துள்ளனர்.
கடந்த 2ஆம் தேதி திலகர் தெருவில் அன்னபூரணி என்பவருக்கு சொந்தமான டியோ வண்டியையும் இவர் திருடி சென்ற புகார் உள்ளது, இதையடுத்து குமாருடன் வேறு யாருக்கும் தொடர்பு உள்ளதா என்ற கோணத்தில் காவல் துறையினர் வழக்குப்பதிவு செய்து விசாரனை நடத்தி வருகின்றனர்.
