தமிழகத்தில் கொரோனா தொற்று காரணமாக தமிழக அரசு சார்பில் பல்வேறு கட்டுப்பாடுகளும் தளர்வுகளும் அறிவிக்கப்பட்டுள்ளது.
தொடர்ந்து திண்டுக்கல் மாவட்டம் கொடைக்கானலில் சுற்றுலாப்பயணிகள் வருவதற்கு தடையும் நீடித்து வருகிறது. பொதுவாக ஏப்ரல் மற்றும் மே மாதங்களில் மலர்கண்காட்சி, கோடைவிழா நடைபெறும் ஆனால் கொரோனா தொற்றால் இரண்டு ஆண்டுகளாக விழாவிற்கு தடை நீடித்து வருகிறது.
கொடைக்கானல் பிரையண்ட் பூங்காவில் மலர் கண்காட்சிக்காக தயார் படுத்தப்பட்ட பல லட்சம் பூத்து குலுங்கி வருகிறது ..இந்த மலர்களை கண்டு களிக்க தோட்டக்கலை துறை சார்பில் புது முயற்சியாக ட்ரோன் கேமரா மூலம் பிரையண்ட் பூங்காவை படமாக எடுத்து யூடியூப் பக்கத்தில் பதிவு செய்துள்ளனர். இதனை பொதுமக்கள் மற்றும் சுற்றுலாப்பயணிகள் கண்டு களிக்கலாம் என தோட்டக்கலை நிர்வாகமும் தெரிவித்துள்ளது.
