சென்னை அண்ணாசாலையில் பாழடைந்த கட்டம் இடிந்து விழுந்து இரண்டு மாடுகள் பரிதாபமாக பலியான சம்பவம் பெரும் சோகத்தை ஏற்படுத்தியது.
சென்னை, அண்ணாசாலை, பார்டர்தோட்டம், மோகன்தாஸ் சாலையில் பழைய பாழடைந்த கட்டடம் உள்ளது. இதனை மாட்டுக்கொட்டையாக பயன்படுத்தி வந்துள்ளனர். உள்ளே சுமார் 10க்கும் மேற்பட்ட மாடுகள் கட்டி பராமரிக்கப்பட்டு வந்துள்ளன. நேற்று முன்தினம் நள்ளிரவு 12 மணியளவில் பாழடைந்த கட்டடம் திடீரென இடிந்து விழுந்தது. இதில் அங்கே கட்டி வைக்கப்பட்டிருந்த 10 மாடுகளில் 2 எருமை மாடுகள் கட்டட இடிபாடுகளில் சிக்கி உயிரிழந்தது. அது தொடர்பாக அங்குள்ளவர்கள் உடனடியாக தீயணைப்பு துறைக்கு தகவல் தெரிவித்தனர். எழும்பூர் மற்றும் தேனாம்பேட்டையில் இருந்து தீயணைப்பு வாகனங்கள் சம்பவ இடத்திற்கு விரைந்து வந்து மீட்புப் பணிகளில் ஈடுபட்டனர். கட்டம் இடிந்து விழுந்து மாடுகள் பலியான சம்பவம் அந்த பகுதியில் சோகத்தை ஏற்படுத்தியுள்ளது. இந்தசம் சம்பவம் தொடர்பாக அண்ணாசாலை போலீசார் வழக்குப்பதிவு செய்து விசாரணை நடத்தி வருகின்றனர்.
