அரியலூர் மாவட்டம் ஜெயங்கொண்டம் அருகே உள்ள ரெட்டிபாளையம் கிராமத்தைச் சேர்ந்தவர் மணிகண்டன். இவர் தனது குடும்பத்துடன் உடையார்பாளையம் பெரிய கோவிலுக்கு செல்வதற்காக இன்று காலை வி.கைகாட்டியில் இருந்து ஆட்டோவில் சென்று கொண்டிருந்தனர்.
அப்போது உடையார்பாளையம் புதிய பேருந்து நிலையம் அருகே வந்தபோது, எதிரே வந்த ஆம்னி வேன், ஆட்டோ மீது நேருக்கு நேர் மோதியதில் மணிகண்டன் தாயார் சந்திரா மற்றும் பக்கத்து வீட்டு மூதாட்டி பவுனம்மாள் ஆகியோர் சம்பவ இடத்திலேயே படுகாயமடைந்து உயிரிழந்தனர். மேலும் இந்த விபத்தில் மணிகண்டன் மற்றும் ஆம்னி வேனில் வந்த 3 பேர் படுகாயமடைந்து ஜெயங்கொண்டம் அரசு மருத்துமனையில் சிகிச்சை பெற்று வருகின்றனர்.
