பசும்பொன் இளைஞர் நலச்சங்கம் மற்றும் நண்பர்கள் இலக்கிய வட்டம் சார்பில், பெரியகுளத்தில் தேவர் ஜெயந்தி விழா மற்றும் நூல் வெளியீட்டு விழா நடைபெற்றது.
பசும்பொன் முத்துராமலிங்க தேவர் ஜெயந்தியை முன்னிட்டு, தேனி மாவட்டம் பெரியகுளத்தில் உள்ள தனியார் மண்டபத்தில் ஜெயந்தி விழா மற்றும் நூல் வெளியிட்டு விழா நடைபெற்றது.
பெரியகுளத்தில் பசும்பொன் இளைஞர் நலச்சங்கம் மற்றும் நண்பர்கள் இலக்கிய வட்டம் சார்பில், கள்ளிப்பட்டி சேர்ந்த நல்லாசிரியர் குப்புசாமி எழுதிய 235 நூலான பண்பட்ட சமூக மருத்துவர் பசும்பொன் முத்துராலிங்கதேவர் என்ற நூல் வெளியீட்டு விழா நடைபெற்றது.
தமிழ்நாடு வழக்கறிஞர்கள் சங்க மாநில துணைத்தலைவர் முத்துராமலிங்கம், முதலாவது பிரதி வெளியிட, தமிழக துணை முதல்வர் ஓ.பன்னீர் செல்வத்தின் தம்பி ஓ.சண்முகசந்தரம் பெற்றுக் கொண்டார்.
இந்நிகழ்ச்சியில் நண்பர்கள் இலக்கிய வட்ட தலைவர் மணி கார்த்திக் பெரியகுளம் நகர்நலச்சங்க செயலாளர் அன்புக்கரசன் அரசு தலைமை மருத்துவமனை பொது மருத்துவர் ராம்குமார், தென்கரை வர்த்தக சங்க தலைவர் சிதம்பரசூரியவேலு, முன்னாள் எம்.எல்.ஏ.பெரியவீரன் மற்றும் பொதுமக்கள் கலந்து கொண்டனர்.
