ரூ.62.3 லட்சம் மதிப்புடைய 1.4 கிலோ தங்கம் பறிமுதல்

துபாய்,சாா்ஜா,இலங்கையிலிருந்து சென்னைக்கு 3 விமானங்களில் கடத்தி வரப்பட்ட ரூ.62.3 லட்சம் மதிப்புள்ள 1.4 கிலோ தங்கம் பறிமுதல் செய்யப்பட்டது. இலங்கையிலிருந்து  சென்னை பன்னாட்டு விமானநிலையம்  வந்த பயணிகளை சுங்கத்துறை அதிகாரிகள் சோதனை செய்தனர் அதில் வந்த சென்னையை சோ்ந்த ஒரு பெண் பயணி ஆடைக்குள் மறைத்து வைத்திருந்த 3 தங்க செயின்களை கைப்பற்றினா்.அதைப்போல் சாா்ஜாவிலிருந்து கல்ஃப்  விமானம் சென்னை வந்தது அதில் வந்த  சென்னையை சோ்ந்த 2 ஆண்  பயணிகளை சோதனை செய்தனர்.அவா்கள்  வைத்திருந்த லேப்டாப் சாா்ஜா் மற்றும் ஆடைகளில் 10 தங்கக்கட்டிகளை மறைத்து வைத்திருந்ததை கண்டுப்பிடித்து பறிமுதல் செய்தனா்.இலங்கையிலிருந்து வந்த பெண் பயணி மற்றும் சாாஜாவிலிருந்து வந்த 2 ஆண் பயணிகள் ஆகியோரிடமிருந்து 950 கிராம் தங்க செயின்கள்,தங்கக்கட்டிகளை பறிமுதல் செய்தனா் இதன் மதிப்பு ரூ.42.3 லட்சம் இதையடுத்து 3 பயணிகளையும் சுங்கத்துறை அதிகாரிகள் கைது செய்தனா்.இந்நிலையில் துபாயிலிருந்து இண்டிகோ  விமானம் சென்னை பன்னாட்டு விமானநிலையம்  வந்த  பயணிகள் அனைவரும் இறங்கி சென்ற பின்னர். அந்த விமானம் உள்நாட்டு விமானமாக டில்லி செல்ல தயாரானது.விமான லோடா்கள் விமானத்திற்குள் ஏறி சுத்தப்படுத்தினா்.அப்போது விமானத்தின் கழிவறை தண்ணீா் தொட்டியில் கருப்பு பாலிதீன் பையில்  சுத்தப்பட்ட ஒரு சிறிய பாா்சல் இருந்ததை கண்டுப்பிடித்து விமானநிலைய மேலாளரிடம் தெரிவித்தனா்.உடனே பாதுகாப்பு அதிகாரிகள் வந்து பாா்சலை திறந்து பாா்த்து சோதனை செய்தனர். அதனுள் 4 தங்கக்கட்டிகள் இருந்தன.அதன் எடை 450 கிராம்.மதிப்பு ரூ.20 லட்சம்.இதையடுத்து விமானநிலைய சுங்கத்துறை அதிகாரிகளிடம் ஒப்படைக்கப்பட்டது. சென்னை விமானநிலையத்தில் துபாய்,சாா்ஜா,இலங்கை ஆகிய நாடுகளிலிருந்து அடுத்தடுத்து வந்த 3 விமானங்களில் ரூ.62.3 லட்சம் மதிப்புடைய 1.4 கிலோ தங்கம் பறிமுதல் செய்யப்பட்டு,கடத்தல் பயணிகள் 3 போ் கைது செய்யப்பட்டுள்ளனா்.