பொள்ளாச்சி அருகே இருசக்கர வாகனத்தில் இருந்து கீழே விழுந்த கூலித் தொழிலாளி உயிரிழந்த சம்பவம் பெரும் சோகத்தை ஏற்படுத்தியுள்ளது.
பொள்ளாச்சி வடக்கு ஒன்றியம், வெள்ளாளபாளையம் பெரியார் நகரை சேர்ந்தவர் மகுடீஸ்வரன் (29, கூலித்தொழிலாளியான இவர் கடந்த 14ம் தேதி வெள்ளாளபாளையத்தில் இருந்து பெரியார் நகர் நோக்கி தனது இருசக்கர வாகனத்தில் சென்று கொண்டிருந்தார்.
அப்போது, நிலைதடுமாறி இருசக்கர வாகனத்தில் இருந்து கீழே விழுந்து படுகாயம் அடைந்தார். அருகில் இருந்தவர்கள் உடனடியாக அவரை மீட்டு கோவையில் உள்ள தனியார் மருத்துவமனையில் சிகிச்சைக்காக சேர்த்தனர்.
ஆனால், அங்கு சிகிச்சை பலனின்றி இவர் பரிதாபமாக இறந்தார். இது குறித்து நெகமம் போலீசார் வழக்கு பதிவு செய்து விசாரணை மேற்கொண்டு வருகின்றனர்..
